Slider
Slider
Inici » a-ultimesnoticies » I Concors de racontes brèus en occitan – Enric Garriga Trullols
Slider

I Concors de racontes brèus en occitan – Enric Garriga Trullols

CULTURA/LITERATURA. Ongan òm commemòra los cent ans de la naissença de Joan Bodon, escrivan occitan, lo CAÒC, en se somant als actes d’omenatge previstes, organiza lo primièr “Concors de racontes brèus ENRIC GARRIGA TRULLOLS” en lenga occitana.

Podètz mandar los escriches fins lo 15 de març de 2020 a:

CAOC, Providència 42 – 08024 Barcelona. Corrièr: caoc@caoc.cat

Vos encoratjam a participar! Programa del concors.

Se clicatz sul ligam i trobaretz las basas del concors.

BASAS DEL 1èr CONCORS DE RACONTES BRÈUS EN OCCITAN «ENRIC GARRIGA TRULLOLS»

1. Lo CAÒC organiza lo 1èr CONCORS DE RACONTES BRÈUS «ENRIC GARRIGA TRULLOLS». Aqueste concors es dobèrt a totes.

2. La matèria e lo genre dels racontes es liure: fantastic, istoric, d’aventuras, policièr… Totas las variantas de lenga occitana son benvengudas, dins lo respièch dels principis alibertins per çò qu’es la grafia.

3. Cada candidat poirà presentar un e pas mai d’un tèxt original e inedit. Cal qu’aquel tèxt siá pas estat presentat ni mai premiat a cap d’autra convocacion literària, tant que lo concors present demorarà dobèrt.

4. Per quant a l’extension, deu aver entre 10.000 e 12.000 caractèrs –espacis en blanc compreses–, letra Arial 12 e interlinhat 1,5. Los trabalhs se pòdon presentar en archiu Word, Office Writer o Pdf, totjorn signats amb un escais. Cal obligatòriament un títol.

5. Dels racontes, los concorsants ne mandaràn una còpia en papièr e una còpia en supòrt digital, al mai tard lo 15 de març de 2020, a l’adreça seguenta: CAÒC, Providència 42 – 08024 Barcelona. EMail: caoc@caoc.cat

6. Los concorsants gardaràn totjorn lor anonimat. La còpia e lo tèxt en supòrt digital seràn presentats dins una envolòpa amb pseudonim a la part exteriora. Dins una envolòpa pus pichona barrada, l’autor balharà: lo pseudonim emplegat, son nom de fonts e nom de familha, adreça, telefòn e corrièr electronic, lo tot acompanhat d’una còpia DNI.

7. La resolucion del concors es l’afar d’una jurada formada per professors del CAÒC, ensenhaires e escrivans, qu’a lo drech de declarar desèrts los prèmis, compte tengut de la qualitat dels tèxtes presentats.

8. Un primièr, un segond e un tresen prèmis per cada categoria seràn adjudicats:

• Lo primièr prèmi aurà lo drech de s’inscriure a gratis a un cors d’Occitan al CAÒC, mai 100 €.
• Lo segond prèmi aurà lo drech de s’inscriure a gratis a la Pujada al Pòrt de Salau, organizada pel CAÒC, mai 50 €.
• Lo tresen prèmi aurà lo drech de s’inscriure a gratis a un talhièr organizat pel CAÒC, mai 25 €.
• Totes los participants recebràn un diplòma de participacion e un còlis de libres occitans.

10. Totes los originales que seràn premiats vendràn propietat del CAÒC, que s’engatja a ne far difusion e, tant que serà possible, a los editar.

11. Lo prèmi serà autrejat dins un acte public lo 24 d’abril de 2020. Per çò qu’es lo luòc, serà difusat a son moment. Los guerdonats e finalistas seràn avertits per corrièr electronic. Es obligatòria la preséncia a l’acte de concession de prèmis. Se i a cap d’empacha o incident, cal que siá notificat al CAÒC.

12. Los autors dels trabalhs que seràn pas estats premiats auràn lo drech de los recuperar al local del CAÒC a comptar del 10 de setembre e fins a la fin d’octòbre del 2020.

13. La jurada pòt demandar a l’autor de far qualques modificacions ortograficas o de sintaxi a son tèxt, se deviá èstre publicat. Los concorsants premiats accèptan que lors tèxtes sián difusats per parts o entièrs, en papièr e Internet, sens cap de remuneracion. N’accèptan tanben d’autres usatges pas lucratius, coma lecturas publicas o l’emplec pedagogic pel CAOC. An per contra lo drech de se servir de lor tèxt, amb la resèrva de mencionar qu’es estat premiat pel CAÒC. Un autor publicat dos ans poirà pas n’èsser un an de mai, mas a lo drech de tornar participar e d’èsser premiat.

14. La participacion al concors implica l’acceptacion totala e sens resèrva d’aquestas basas.

15. Los organizators se resèrvan lo drech de modificar o anullar lo concors se las circonstàncias o fan necessari. La jurada se resèrva lo drech de declarar desèrts los prèmis se, a son vejaire, la qualitat dels tèxtes prepausats es insufisenta.

2020-02-06

Deixa un comentari

El seu email no será publicat.Camps obligatoris marcats *

*

Aquest lloc utilitza Akismet per reduir el correu brossa. Aprendre com la informació del vostre comentari és processada

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.Más Info

ACEPTAR
Aviso de cookies

Diari Sant Quirze

↑ Grab this Headline Animator