CULTURA / LITERATURA. Sèm arribats a la fin del II Concors de racontes brèus en occitan ENRIC GARRIGA TRULLOLS.
Per aquesta segonda edicion del Concors, son estats vint e quatre los racontes mandats – dins totes los parlars. Donc, lo nombre de participants s’es doblat, alara que la qualitat d’un bon pro d’aqueles tèxtes –per çò qu’es la lenga, lo canebàs e l’art de contar– es una evidéncia de las bèlas.
E fin finala, avèm los premiats:
— lo 1r prèmi als racontes titolats Lo león e l’aucèl, signat jos l’escaisnom de Brigon : Brigida Viginièr; e Un diluns a la montanha, signat jos l’escaisnom de Vidalon : Alan Vidal.
+ aqueste primièr prèmi es decernit ex aequo als dos racontes citats pr’amor que la Jurada estima lor qualitat e lors meritis parièrs.
— lo 2d prèmi, al raconte titolat Lo ponch roge de la lenga, signat jos l’escaisnom de Musalina : Paulina Louis.
— lo 3n prèmi, al raconte titolat Raconte d’un brave cap d’an, signat jos l’escaisnom de Joan de Pinet : Jean-Marc Rabier.
Ne profitam per felicitar coralament los guerdonats, alara que vos remerciam a totes per la vòstra participacion, en tot vos anonciar que será un plaser pel CAOC de mandar una tresena edicion d’aqueste Concors per l’an que ven.
Lo prèmi serà autrejat dins un acte public lo 21 de mai de 2021, al Palau Marc de Barcelona, Departament de Cultura de la Generalitat de Catalonha. S’èra lo cas que, pr’amor de la pandemia, se podiá pas convocar aquel acte, l’acte se tendriá en linha. Los guerdonats e finalistas seràn avertits per corrièr electronic.
Podètz consultar aquí l’acte de la Jurada amb los noms dels premiats.
